Plantun de Prouvènço

Pèr coumpara dos planto d'encò nostre

Halimione portulacoides & Fissidens dubius

Fraumo

Halimione portulacoides

Amaranthaceae Chenopodiaceae

Autre noum : Bourtoulaigo-de-mar.

Noms en français : Arroche faux pourpier, Obione faux pourpier.

Descripcioun :
La fraumo o bourtoulaigo-de-mar es uno planto coumuno, coulour d'argènt, que trachis en ribo de mar e dins la sansouiro. Li fueio soun óupousado, poupouso e en formo de lanço.

Usanço :
Li fueio, salado, an un goust agradiéu, e soun tras que bono en ensalado o cuecho coume de liume. Es uno bono erbo peréu pèr la bouvino.

Port : Pichoto planto lignouso
Taio : 20 à 80(150) cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Halimione
Famiho : Amaranthaceae
Famiho classico : Chenopodiaceae

Coulour de la flour : Jauno
Petalo : ges
Ø (o loungour) flour : 2 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : Bourealo
Ref. sc. : Halimione portulacoides (L.) Aellen, 1938

Mousso-divisado-doutouso

Fissidens dubius

Fissidentaceae

Nom en français : Fissident crête-de-coq.

Descripcioun :
Aquelo mousso dóu gènre Fissidens (peristome divisa, vèire li fotò) trachis sus li roco cauquiero e de cop que i'a au sòu. Es uno mousso pulèu pichoto auto de 1 à 3 cm. Fai partido dóu group qu'a ges de lòngui celulo sus lou bord de la fueio (fotò), pamens se vèi bèn uno bando de 3 à 4 cellulo pu claro. Se recounèis tambèn à sa pouncho de fueio emé un benc e que la costo s'acabo just avans lou bout (fotò). Es couneigudo pèr pas faire trop d'espouroufite, pamens sèmblo pas trop lou cas au nostre.

Usanço :
Se pòu counfoundre emé d'àutri meno dóu meme gènre subretout Fissidens taxifolius qu'a pas lou bout de fueio denta d'un biais irregulié e peréu que la costo vai fin qu'au bout dóu bènc (de vèire au microuscope).